Drengir - 5. og 6. bekkur

21.3.2011 | 13:12

Frábær árangur hjá strákunum um helgina!!

SILFUR stákarnir koma frá Keflavík þetta árið!! :) Keflavík landaði 2.sætinu sannfærandi eftir mikla og harða baráttu við tvö sterk lið frá KR ásamt ÍR og Stjörnunni! Peyjarnir töpuðu fyrsta leiknum gegn KR(b) þar sem við leiddum leikinn í hálfleik með 3 stigum, og eftir 4 leikhluta vorum við yfir með 1 stigi!! En í 4.leikhluta og sérstaklega byrjun 5.leikhluta fór allt úrskeiðis hjá strákunum, leikmenn voru ragir að sækja á körfuna og gleyma sér í vörninni og KRb landaði naumum sigri en þetta var eftir allt saman úrslitaleikur mótsins um gullið! Spiluðum vel í 3 og hálfan leikhluta en það nægir ekki til sigurs gegn KR og mun það ekki gerast aftur! Næsti leikur var við Stjörnuna og unnu peyjarnir leikinn með 5 stigum en hefðu getað unnið með meiri mun í raun og veru þar sem Stjörnumenn hittu úr fáránlegustu skottilraunum og héldu sér þannig í leiknum á tímabili! Spilamennskan og varnarleikurinn hjá okkar mönnum var til fyrirmyndar og baráttan virkilega góð!

Sunndagurinn byrjaði þannig að við fórum í mat heim til Þórunnar mömmu hans Þorbergs! Leikmenn fengu kjúklingapasta og lasagna og var þjónað mönnum líkt og á veitingastað! Þjálfari fékk lánaða upptöku af leikjum laugardagsins og fengu leikmenn að horfa á það og sjá hvað hefði mátt betur fara og hvað menn gerðu rétt! Þökkum við Þórunni og fjölskyldu fyrir matarboðið og Svenna fyrir upptökurnar! Fyrsti leikur sunnudagsins hjá okkur var við ÍR og eftir brösuga byrjun unnum við leikinn með 20 stigum en það sem landaði þessum auðvelda sigri var fyrst og fremst varnarleikurinn en fyrirfram vissu leikmenn að við hefðum unnið ÍR þar sem þeir voru einungis með 9 leikmenn en minniboltareglur eru þannig að ef þú notar ekki 10 leikmenn þá tapar þú sama hvernig úrslit leiksins verða! Strákarnir voru því að mínu mati full afslappaðir en það kom ekki til greina fyrir síðasta leikinn! Síðasti leikur mótsins var nefnilega úrslitaleikur um 2.sætið á móti sterku liði KR! Strákarnir fengu vel valið orð í eyra í klefanum fyrir leikinn og menn voru það motiveraðir og tilbúnir að hálfa hefði verið nóg!! Allir klappandi, syngjandi og peppandi hvorn annan í klefanum að undirritaður sá að það var eitthvað gott í vændum! Til að segja langa sögu stutta þá unnum við leikinn og var þetta einn mest spennandi leikur sem hefur verið spilað á Sunnubrautinni í langan tíma! Áhorfendur og leikmenn að klappa og hvetja og syngja og var mikill fögnuður meðal leikmanna í lokin! Strákarnir spiluðu frábæran varnarleik í þessum leik og áttu KR ingar ekki séns frá upphafi leiksins þó svo leikurinn hafi verið jafn og spennandi! Okkar strákar voru það stemmdir, grimmir og hungraðir í silfrið að þeir ætluðu alls ekki að láta KR fá það líka! Þegar menn spila svona varnarleik og eru að berjast þá á ekkert lið breik í okkar stráka!

Óska KR-ingum hinsvegar til hamingju með 1.sætið, flottur árangur hjá þeim og strákar KEFLAVÍK: þið eruð ekkert annað en töffarar! Eigið þetta svo sannarlega skilið og að ná 2.sætinu í vetur er framar björtustu vonum og er ég virkilega stoltur af ykkur, frábært! Halda áfram að mæta vel á æfingar, taka á því og bæta sig!! Þetta gerist nefnilega ekki að sjálfu sér og við sýndum það í vetur! Getur allt gerst og næsta vetur stefnum við á að gera enn betur! Áfram KEFLAVÍK!!

Keflavík – KR b 28 – 35 -(7/18 víti)
Keflavík – Stjarnan 37 – 32 -(3/6 víti)
Keflavík – ÍR 50 – 30 -(10/16 víti)
Keflavík – KR 37 – 28 -(3/8 víti)

Heildarskor leikmanna:
Stefán L. 37 stig - (7/14 vítí)
Arnór Sveins 35 - (5/8)
Þorbjörn 23 - (5/14)
Ingimundur 17 - (1/2)
Arnar Þór 16 - (2/4)
Tumi 11 - (3/6)
Páll Orri 4
Þorbergur 4
Rafnar 2
Davíð 2
Árni Geir 0
Arnór Daði 0
Egill Darri 0
Stefán Arnar 0
(23/48) 47,9 % vítanýting um helgina

kv. Bjössi þjálfari

Flokkur: Íþróttir | Breytt s.d. kl. 23:21 | Facebook