Strákarnir áfram í A riðli!

Strákarnir voru að keppa í fyrsta sinn á Íslandsmótinu á heimavelli um helgina! Í liðinu voru 8 strákar úr 6.bekk og 3 úr 5.bekk! Náðu peyjarnir að halda sér uppi með flottum vinnusigri gegn Reykdælingum/Skallagrím en sá leikur vannst ekkert annað en á góðri vörn og baráttu en það var einmitt það sem lagt var upp með fyrir helgina að spila góða vörn og berjast allan tímann! Í hinum þremur leikjunum er lítið hægt að segja annað en að okkar peyjar voru því miður ansi oft að gleyma sér í varnarleiknum og feimnir að sækja á körfuna fyrir utan fyrstu 2 leikhlutana á móti Njarðvík þar sem við vorum mjög flottir og leikurinn í járnum! Leikmenn eru ekki alveg farnir að þekkja sitt hlutverk, margir sem eru nýjir í liðinu og voru peyjarnir að drippla boltanum of mikið, taka oft mjög erfið skot og eins og áður sagði ítrekað að gleyma sér í vörninni eins og að sjá bæði mann og bolta, stíga manninn sinn út og berjast almennilega í frákastinu!!

En það er ekki hægt að gera kraftaverk á einni nóttu! Strákarnir eru enn að læra, vilja verða betri og það er mikill hugur í liðinu sem er mjög jákvætt og það er hægt að gera helling með þessa stráka með tímanum! Leikskilningurinn kemur en leikmenn þurfa líka leggja meira á sig þegar þeir eru komnir í Keflavíkur búninginn, það er bara þannig!! Það jákvæða við helgina er að strákarnir náðu að halda sér uppi í A riðli með já hreinskilnislega sagt slakri frammistöðu sem þýðir að við eigum nóg inni og stefnan í næsta móti er að sjálfsögðu að gera betur! Ef strákarnir spila eins og þeir hafa gert undanfarið á æfingum, hafa trú á sjálfum sér og hlusta á það sem þjálfarinn segir þá er allt hægt! :)

Þakka öllum þeim sem hjálpuðu til á ritaraborðinu og dæmdu um helgina! Án ykkar hefði þetta mót ekki gengið upp :) Einnig var gaman að sjá foreldrana mæta og styðja peyjana!

Keflavík - Njarðvík 28 - 42
Keflavík - Reykdælir/Skallagrímur 31 - 29
Keflavík - Stjarnan 19 - 34
Keflavík - KR 17 - 39

Stigaskor um helgina: Arnór 22, Palli 18, Árni 15, Arnar 12, Þorbjörn 11, Rafnar 7, Þorbergur 7, Davíð 2, Magnús 2, Tumi 1 og Stefán 0.

Lokastaðan: 1.KR, 2.Stjarnan, 3.Njarðvík, 4.Keflavík, 5.Reykdælir/Skallagr. KR-ingar eru vel þjálfaðir, með mjög öfluga stráka og voru með sterkasta liðið um helgina það fór ekki á milli mála!
Bjössi þjálfari.

Athugasemdir

[Svandís (IP-tala skráð) 24.10.2010 kl. 16:39]

Frábært hjá ykkur strákunum :)

Davíð er mjög kátur eftir helgina.

Kv Svandís

[Ævar (IP-tala skráð) 24.10.2010 kl. 23:24]

Seiglan klikkar seint !!! Verður áhugavert hvað gerist núna á næstu misserum, Bjössi Einars gerir öll lið betri !!

hehehe

[Ó.Ásmunds (IP-tala skráð) 25.10.2010 kl. 08:33]

Þakka þér fyrir helgina Bjössi, strákarnig voru duglegir og eiga öruggleg eftir að  bæta sig  mikið undir þinni stjórn.

Kv. Ó.Ásmunds.

[Ingunn Rós Valdimarsdóttir (IP-tala skráð) 26.10.2010 kl. 18:14]

Mér fannst ótúlega gaman að fylgjast með strákunum. Það er greinilegt að það er verið að vinna gott starf með þeim og þeir allir svo áhugasamir.... Hlakka til þess að fylgjast með þeim verða öruggari og pottþétt betri þegar líður á veturinn !!! Áfram Keflavík !!!

[maja (IP-tala skráð) 29.10.2010 kl. 14:38]

Flottir strákar, hlakka til að sjá framfarir þeirra eftir veturinn því þeir hafa svo sannarlega sýnt miklar framfarir á síðustu mánuðum. Áfram Keflavík!

[Tumi (IP-tala skráð) 3.11.2010 kl. 15:21]

Strákarnir eru greinilega í góðum höndum þjálfara sem fylgist vel með, er hvetjandi, skemmtilegur og kröfuharður. Þeir eiga örugglega eftir að bæta sig mikið vetur.

kv Bergdís